МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Практычныя парады па бяспецы
Каб павысіць узровень інфармаванасці насельніцтва ў пытаннях пажарнай бяспекі, работнікі МНС праводзяць не толькі традыцыйныя візіты па месцы жыхарства, але і арганізуюць выязныя рэйды ў самыя аддаленыя куткі рэгіёна. Гэта дазваляе ахапіць максімальную колькасць жыхароў і данесці важныя правілы да кожнага.
У Шчучынскім раёне прайшоў незвычайны прафілактычны рэйд, арганізаваны работнікамі МНС сумесна з раённай бібліятэкай імя Цёткі. Выратавальнікі наведалі населеныя пункты з важнай місіяй – нагадаць жыхарам аб важнасці захавання правілаў пажарнай бяспекі. Незвычайная сустрэча адбылася каля перасовачнай бібліятэкі, дзе вяскоўцы выбіралі кнігі, а інспектары раённага аддзела па надзвычайных сітуацыях праводзілі тлумачальныя гутаркі.
Выратавальнікі акцэнтавалі ўвагу на важнасці падрыхтоўкі печаў да ацяпляльнага сезона і расказалі, да якіх сумных наступстваў можа прывесці грэбаванне правіламі бяспекі.
– З пачаткам ацяпляльнага сезона і надыходам халадоў павялічваецца колькасць пажараў у жыллёвым фондзе, – адзначылі работнікі Шчучынскага раённага аддзела МНС і парэкамендавалі жыхарам уважліва агледзець печы і коміны на наяўнасць пашкоджанняў і пры неабходнасці зрабіць рамонт. Таксама важна ачысціць дымавыя каналы ад сажы – гэта дапаможа прадухіліць задымленне і знізіць рызыку ўзнікнення пажару.
Акрамя таго, работнікі выратавальнага ведамства звярнулі ўвагу на неабходнасць устаноўкі пажарных апавяшчальнікаў у дамах. Растлумачылі прынцып працы гэтага прыбора і далі рэкамендацыі па іх правільнаму мантажу і абслугоўванню.
Такі нестандартны падыход да прафілактычнай работы аказаўся вельмі дзейсным. Мясцовыя жыхары з цікавасцю выслухалі парады выратавальнікаў і актыўна задавалі пытанні.
Работнікі Гродзенскага раённага аддзела па надзвычайных сітуацыях сустрэліся з жыхарамі аддаленых населеных пунктаў Капцёўскага сельсавета падчас прыпынкаў аўталаўкі і правялі з вяскоўцамі прафілактычныя гутаркі аб пажарнай бяспецы.
Удзялілі ўвагу правілам эксплуатацыі пячнога ацяплення. Жыхарам нагадалі, што нельга пакідаць печ, якая топіцца, без нагляду, выкарыстоўваць для распальвання лёгкаўзгаральныя вадкасці і размяшчаць побач гаручыя прадметы.
З асаблівым акцэнтам гучала тэма строгай забароны выпальвання сухой расліннасці. Работнікі райаддзела далі рэкамендацыі, як навесці парадак без здарэнняў, і заклікалі грамадзян адказна ставіцца да выканання патрабаванняў пажарнай бяспекі.
– За выпальванне сухой расліннасці парушальнікам пагражае адміністрацыйная адказнасць і штраф ад 10 да 30 базавых велічынь. Калі ўрон будзе нанесены ў буйным памеры, то вінаватым пагражае крымінальная адказнасць.
Напрыканцы сустрэч вяскоўцам уручылі наглядна-выяўленчую прадукцыю, каб важныя правілы заўсёды былі пад рукой.
Будь готов
Другие новости
