МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Мастоўскі раён. Агульнымі намаганнямі – супраць вогненных трагедый. На сельскім сходзе у аграгарадку Вялікія Азёркі абмяркоўвалі пытанні бяспекі
Пытанні папярэджання гібелі і траўматызму людзей пры ўзнікненні пажараў сталі галоўнай тэмай сельскага сходу, які прайшоў у аграгарадку Вялікія Азёркі Курылавіцкага сельсавета. Як правіла, у абмеркаванні надзённых праблем вяскоўцаў прымаюць удзел прадстаўнікі розных службаў раёна, што дазваляе вырашыць ўзнік пытанне на месцы альбо вызначыцца з алгарытмам дзеянняў у напрамку вырашэння праблемы.
Сустрэча прайшла пры ўдзеле дэпутата Палаты прадстаўнікоў Нацыянальнага сходу Рэспублікі Беларусь Паўла Міхалюка, старшыні раённага Савета дэпутатаў Валерыя Табала, старшыні Курылавіцкага сельскага Савета Сяргея Каспяровіча.
Адкрываючы сельскі сход, дэпутат Палаты прадстаўнікоў Нацыянальнага сходу Рэспублікі Беларусь Павел Міхалюк спыніўся на актуальных тэмах VI Усебеларускага народнага сходу. Ён дадаў, што ў бліжэйшыя пяць гадоў нас чакаюць новыя планы, спыніўся на пытаннях бясплатнай медыцыны, сацыяльнай падтрымцы асобных катэгорый грамадзян, акцэнтаваў увагу на развіццё рэгіёнаў.
Перад жыхарамі аграгарадка выступіў начальнік раённага аддзела МНС Генадзь Адамовіч. Ён давёў да вяскоўцаў інфармацыю аб пажарнай абстаноўцы ў раёне і вобласці, нагадаў асноўныя прычыны ўзнікнення пажараў, правілы бяспекі ў побыце. Асобна спыніўся на правілах бяспечнай эксплуатацыі пячнога ацяплення і электраабсталявання. Прысутным у зале быў паказаны відэафільм аб разбуральнай сіле агню і розных прыродных з'яў. Страшныя кадры нікога не пакінулі абыякавымі і далі падставу сур'ёзна задумацца аб тым, як забяспечыць бяспеку блізкіх. Вяскоўцы, пачуўшы рэальныя гісторыі пра тое, як на пажары гінулі цэлыя сем'і, паспяшаліся задаць пытанне, дзе можна набыць АПА і як яго ўсталяваць.
Не пакінулі выратавальнікі без увагі і дзетак. Успомніць знакі пажарнай бяспекі, даведацца пра карысць мабільнага дадатку «МНС Беларусі. Дапамога побач» кожны ўдзельнік мерапрыемства мог разам з інспектарам сектара прапаганды Мастоўскага райаддзела МНС Святланай Жудро. Хлапчукам і дзяўчынкам прадэманстравалі магчымасці пажарнай аварыйна-выратавальнай тэхнікі і абсталявання для ліквідацыі надзвычайных сітуацый, далі магчымасць прымерыць баявую вопратку агняборцаў і пасядзець у кабіне пажарнага аўтамабіля.
Пытанне стану правапарадку ў раёне асвятліў намеснік начальніка РАУС Аляксей Літош. Ён падрабязна спыніўся на тэме кіберзлачынстваў, якія набіраюць свае абароты сярод насельніцтва нашага краю. Прафілактыцы п'янства, асацыяльнага ладу жыцця і сямейнага недабрабыту неабходна надаваць яшчэ больш увагі. Ён адзначыў, Калі вяскоўцы будуць праяўляць вялікую актыўнасць, многіх трагедый атрымаецца пазбегнуць.
Абарону правоў і законных інтарэсаў дзяцей-сірот, дзяцей, якія засталіся без апекі бацькоў, няшчасных сем'яў закрануў у сваім выступе начальнік упраўлення адукацыі райвыканкама Валянцін Ціхановіч.
Аб відах сацыяльнага абслугоўвання расказала начальнік упраўлення па працы, занятасці і сацыяльнай абароне райвыканкама Ала Яшкова. Яна падрабязна спынілася на аспектах працы ЦСАН Мастоўскага раёна, паслугах, якія аказваюцца у Курылавіцкім доме-інтэрнаце для састарэлых грамадзян, адказала на пытанні ўдзельнікаў сустрэчы.
Сельскія сходы ў раёне сталі традыцыйнымі. Яны дазваляюць інфармаваць жыхароў аб працы мясцовых органаў самакіравання, знаёміць з новымі нарматыўнымі дакументамі і зменамі ў заканадаўчай базе, аператыўна вырашаць надзённыя пытанні жыццезабеспячэння насельніцтва, праводзіць прафілактыку негатыўных з'яў - пажараў, п'янства, гвалту ў сем'ях.
Па матэрыялах газеты «Зара над Нёманам»
Будь готов
Другие новости
