МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Зэльва. «Кірмаш бяспекі»
Зэльвенскія выратавальнікі сумесна з работнікамі раённага Дома культуры ў рамках рэспубліканскай акцыі «З клопатам аб бяспецы малой Радзімы» правялі «Кірмаш бяспекі» для жыхароў і гасцей райцэнтра.
Работнікі райаддзела МНС арганізавалі віктарыну па асновах бяспекі жыццядзейнасці, дзе дзеці і дарослыя праверылі свае веды. Прадстаўнікі службы «101» нагадалі, як не дапусціць "пячных" пажараў, заклікалі быць асцярожнымі пры выкарыстанні адкрытага агню, не пакінулі без увагі і надзейнага памочніка - аўтаномнага пажарнага апавяшчальніка. Мясцовыя жыхары і госці «кірмаша» прыгадалі правілы выкліку службы выратавання, даведаліся аб карысным кантэнце мабільнага дадатку «МНС Беларусі: Дапамога побач» і замацавалі атрыманыя веды, адказаўшы на пытанні тэсціравання.
Юныя госці свята змаглі адчуць сябе сапраўднымі выратавальнікамі, экіпіраваўшыся ў баявое адзенне і пасядзеўшы за рулём пажарнага аўтамабіля. Жаданне прымерыць «баёўку» пажарнага-выратавальніка было не толькі ў дзяцей, дарослыя з задавальненнем навыперадкі апраналіся ў спецвопратку байцоў МНС. Работнікі пажарнай аварыйна-выратавальнай часткі №1 г.п.Зэльвы арганізавалі «водную феерыю», якая падарыла глыток прахалоды і свежасці ў спякотны дзень.
Будь готов
Другие новости
