МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Ліда. Навучым бяспецы разам!
«Навучым бяспецы разам!» тэматычнае інтэрактыўнае мерапрыемства для дарослых і юных жыхароў Ліды прайшло ў гарадскім парку культуры і адпачынку. Лідскія выратавальнікі сумесна з прадстаўнікамі ПУ "Лідагаз" і ДАІ Лідскага раённага аддзела ўнутраных спраў арганізавалі навучальны занятак, каб у нязмушанай форме нагадаць гасцям і жыхарам райцэнтра аб важнасці захавання мер бяспекі.
На пляцоўцы райаддзела МНС начальнік сектара прапаганды Яўген Місура расказаў аб сітуацыі, якая склалася з пажарамі і гібеллю людзей на іх на тэрыторыі раёна.
- З пачатку бягучага года толькі ў Лідскім раёне адбылося 85 пажараў, - адзначыў прадстаўнік МНС. Прыводзячы канкрэтныя прыклады вогненных здарэнняў, выратавальнік растлумачыў прысутным, што нярэдка прыводзіць да пажараў. Асаблівую ўвагу ўдзяліў бяспецы пры эксплуатацыі пячнога ацяплення, а таксама недапушчэнню курэння ў ложку ў стане алкагольнага ап'янення. Таксама работнік МНС расказаў аб неабходнасці ўстаноўкі ў домаўладаннях аўтаномных пажарных апавяшчальнікаў, прывялі прыклады выратавання людзей дзякуючы яго спрацоўцы.
На пляцоўцы ДАІ інспектар Сяргей Кушэль расказаў усім удзельнікам аб неабходнасці выканання правілаў дарожнага руху. Прывёў прыклады дарожна-транспартных здарэнняў.
Работнікі газавай службы распавялі важныя і патрэбныя правілы пры карыстанні бытавым газам.
Усе ўдзельнікі акцыі правялі час з карысьцю. Кожны атрымаў наглядныя буклеты і памятныя падарункі ад аператыўных службаў горада.
Будь готов
Другие новости
