МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Супрацоўнікі райвыканкама тушылі “пажар”
На базе Дзятлаўскага райвыканкама прайшоў інструкцыйны занятак з запрашэннем работнікаў МНС па выкананні патрабаванняў пажарнай бяспекі на рабочым месцы і дзеяннях у выпадку пажару.
Увазе ўдзельнікаў занятку былі прадстаўлены навучальныя відэаролікі Міністэрства па надзвычайных сітуацыях пра пажары па прычыне неасцярожнага курэння, пажарны апавяшчальнік, тушэнне пажару ў жылым памяшканні і рабочым кабінеце, а таксама пра эвакуацыю ў грамадскіх месцах.
Намеснік начальніка Дзятлаўскага РАНС Сяргей Кухарчык расказаў аб рабоце аглядавых камісій у раёне, нагадаў асноўныя патрабаванні пажарнай бяспекі дома і на рабоце, засяродзіў увагу на плане эвакуацыі ў адміністрацыйным будынку і дзеяннях кожнага ў выпадку надзвычайнай сітуацыі.
Сяргей Іванавіч падрабязна растлумачыў, што рабіць пры эвакуацыі з будынка райвыканкама і як выкарыстоўваць парашковы вогнетушыцель, што дзяржслужачыя замацавалі ў час практычнай часткі.
– Мэта такіх мерапрыемстваў – папярэджанне пажараў і гібелі людзей на іх як у жылым сектары, так і на рабочым месцы, – адзначыў Сяргей Кухарчык. – У час гэтай сустрэчы мы сумясцілі відэатлумачэнне, тэорыю, ілюстраваную рэальнымі здарэннямі на Дзятлаўшчыне, падмацаваўшы ўсё гэта практыкай, калі супрацоўнікі райвыканкама паспрабавалі самі патушыць ачаг узгарання. Думаю, такая форма работы атрымалася зразумелай і эфектыўнай.
Па матерыялам газеты «Перамога»
Будь готов
Другие новости
