МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Іўе. Бяспека ў прыярытэце
У рамках рэспубліканскай акцыі «Дзень бяспекі. Увага ўсім!» у Суботніцкім сельскім савеце прайшоў сход грамадзян. У мерапрыемстве прынялі ўдзел пракурор Іўеўскага раёна Аляксандр Шырокіх, начальнік Іўеўскага райаддзела МНС Уладзіслаў Магільніцкі, начальнік раённага аддзела ўнутраных спраў Вадзім Шчурскі, старшыня сельскага савета Валянціна Філон.
Начальнік райаддзела МНС расказаў вяскоўцам аб абстаноўцы з пажарамі ў рэспубліцы, вобласці і раёне, нагадаў правілы бяспекі ў побыце і растлумачыў, што курэнне ў ложку прыводзіць да трагічных наступстваў.
З надыходам вясновага надвор'я асаблівую ўвагу ўдзялілі правілам навядзення парадку на прыдамавых участках.
– Сонца прыгравае і людзі пачынаюць наводзіць парадак на сваіх прысядзібных участках і спальваць сухую расліннасць. Памятайце, што рабіць гэта катэгарычна забаронена. Леташняе смецце можна спаліць у вогнішчы. Рабіць гэта варта ў зацішнае надвор'е. Месца, дзе будзеце разводзіць вогнішча – акапайце. Увесь час сочыце за агнём, трымайце пад рукой лапату, вогнетушыцель ці вядро з вадой. – парэкамендаваў Уладзіслаў Валер'евіч.
Напрыканцы размовы мясцовыя жыхары атрымалі кампетэнтныя адказы на пытанні, якія іх хвалююць.
Будь готов
Другие новости
