МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Выявіць парушэнні – папярэдзіць бяду
Праверка бяспечных жыллёвых умоў людзей сталага ўзросту заўсёды ў полі зроку работнікаў Навагрудскага раённага аддзела па надзвычайных сітуацыях, назіральных камісій. Пасля выязнога пасяджэння грамадскага пункта аховы правапарадку з рэйдавай групай у рамках рэспубліканскай акцыі «За бяспеку разам!» адправіліся па прыватным сектары аг. Брольнікі, каб не толькі паглядзець, ці ў спраўным стане печы, але і нагадаць гаспадарам аб іх правільнай эксплуатацыі.
Безумоўна, у кожным населеным пункце адпаведныя службы ведаюць і тых, хто знаходзіцца пад пільным кантролем, і тых, хто павінен ухіліць парушэнні, якія былі ўказаны падчас папярэдняй праверкі. Вось такое што дзённае і комплекснае абследаванне дома ўладанняў дазваляе ўбачыць поўную карціну ўмоў, у якіх пражывае той ці іншы чалавек – пажылы, адзінокі, інвалід або дзіця.
Падчас прафілактычнага рэйду начальнік Навагрудскага РАНС Дзмітрый Максімовіч, інспектар Наталля Фасцянкова і старшыня Брольніцкага сельвыканккама Святлана Макар нагадалі пенсіянерам аб правілах бяспекі пры эксплуатацыі пячнога ацяплення і электраабсталявання. Не засталося незакранутым і пытанне абсталявання домаўладанняў аўтаномнымі пажарнымі апавяшчальнікамі. Прадстаўнікі МНС расказалі аб тым, як правільна ўстанавіць АПА і для чаго патрэбен гэты прыбор, далі рэкамендацыі па падтрыманні жылля ў супрацьпажарным стане.
Падчас агляду жылля ў большасці жыхароў парушэнняў выяўлена не было. Аўтаномны пажарны апавяшчальнік у спраўным стане, пячное ацяпленне адпавядае ўсім неабходным патрабаванням пажарнай бяспекі. Але прафілактыка ніколі не бывае лішняй.
– Асноўныя прычыны, па якіх узнікаюць пажары ў асеннезімовы перыяд: адсутнасць перадтопачнага ліста, незачыненая топка печы, перакал, расколіны ў коміне, складзіраванне каля печы гаручых матэрыялаў, адзення. У чарговы раз хочацца нагадаць: каб пазбегнуць узнікнення пажару, трэба ўтрымліваць пячное ацяпленне ў парадку згодна з нормамі і правіламі пажарнай бяспекі. Перш за усё печ павінна быць правільна складзеная і спраўная – гэта галоўнае! Пры распальванні дровы выкарыстоўваць толькі той даўжыні, якая не перавышае памеры топкі. Таксама вялікую небяспеку ўяўляе старая праводка, якая да таго ж часта ў дамах знаходзіцца пад шпалерамі. З часам ізаляцыя такіх правадоў можа прывесці да кароткага замыкання і ўзгарання памяшканняў, – адзначае Дзмітрый Сяргеевіч.
Праблема гібелі людзей на пажарах застаецца вельмі актуаль най. Да трагедыі недалёка, і лепш яе папярэ дзіць, чым пазней шкадаваць.
В. Пісар, «НЖ»
Будь готов
Другие новости
