МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Навагрудак. Палы травы – фактар разбуральны
Цёплае вясенняе надвор’е дазваляе дбайным гаспадарам наводзіць парадак на прысядзібных участках. Аднак не ўсе, праводзячы ўборку тэрыторый і спальваючы сухую расліннасць, выконваюць правілы пажарнай бяспекі. Сумесна з работнікамі Навагрудскага раённага адзела па надзвычайных сітуацыях мы накіраваліся ў рэйд для выяўлення і прадухілення незаконнага спальвання сухой расліннасці і распальвання вогнішча ў неўстаноўленых месцах.
На гэты раз мы завіталі ў населеныя пункты Ладзеніцкага сельсавета і прыватныя домаўладанні горада.
– Несвоечасовая ўборка адсухой расліннасці тэрыторый прылеглых да жылых дамоў – прычына ўзгарання. Іншымі словамі, усё зводзіцца да аднаго: калі на зямлі парадак будзе наведзены першапачаткова, то і гарэць у цэлым не будзе чаму. Пакуль жа ёсць гаручы матэрыял, знойдзецца і крыніца ўзгарання. Калі гаспадар абкасіў траву на сваім участку і прыбраў тэрыторыю, фактычна яму нічога не пагражае, – адзначыў начальнік аддзела па надзвычайных сітуацыях Дзмітрый МАКСІМОВІЧ. – Вырашаецца гэтае пытанне не імгненна: гэта планавая работа, якая патрабуе пастаяннага кантролю. Больш праблематычна справа ідзе з закінутымі дамамі і пустымі землямі, дзе навесці парадак па сутнасці няма каму. Рашэнні тут прымаюцца органамі ўлады, аднак мы, аналізуючы становішча, здольныя падняць праблему, звярнуць увагу на так званыя небяспечныя пункты і пасадзейнічаць іх «абясшкоджванню». Калі гаварыць пра палы, то нягледзячы на ўсялякага роду папярэджанні і перакананні наконт бяспекі, пэўная частка нашага насельніцтва настойліва працягвае выпальваць сухую, мінулагоднюю расліннасць, што амаль заўсёды заканчваецца пажарам. Любы пажар лягчэй папярэдзіць, чым патушыць. Вось і праводзяцца ў гэтыя напружаныя дні рэйды ў населеных пунктах нашага раёна.
У многіх населеных пунктах ёсць дамы, дзе ніхто не пражывае, дамы, дзе ненаводзіцца парадак каля ўчасткаў. Падчас рэйду такая безгаспадарлівасць, зарослыя травой участкі выяўлены ў большасці правераных вёсак. Толькі адзін кінуты акурак можа прывесці да ўзнікнення пажару. Таму і праводзяць выратавальнікі рэйды, папарэджваюць людзей пра неабходнасць своечасова наводзіць парадак. А калі спальваецца смецце, то толькі пад наглядам і на адлегласці ад гаспадарчых пабудоў. Выпальванне, якое не кантралюецца, лёгка можа дабрацца да населенага пункта, спаліць хлеў або дом, а то і перакінуцца на лес, стаць прычынай атручвання дымам. І тут многае залежыць ад кожнага з нас. Пры выяўленні ўзгарання трэба хутка рэагаваць, а не заставацца раўнадушным. На першапачатковым этапе лягчэй змагацца з узгараннем.
На момант правядзення рэйду на тэрыторыі свайго прысядзібнага ўчастка па вул. Гродзенскай разводзіла вогнішча Ніна Няпраўская. Жанчына адзначыла, што не раз чытала ў зводках і глядзела па тэлебачанні, да чаго прыводзіць чалавечая бестурботнасць, таму заўсёды стараецца разводзіць вогнішча далей ад будынкаў. Інспектар сектара прапаганды і ўзаемадзеяння з грамадскасцю Бажэна Палякова нагадала пра неабходнасць строга выконваць правілы і не паліць смецце ў ветранае надвор’е. А таксама расказала пра акцыю «Дзень бяспекі. Увага ўсім!» і нагадала, што такое сігнал грамадзянскай абароны і алгарытм паводзін пры яго атрыманні.
У населеных пунктах Лоўчыцы, Байкі, Католышы мясцовыя жыхары таксама наводзілі парадак і спальвалі смецце. А каб вясновая ўборка не скончылася трагедыяй, інспектар заклікала выконваць меры пажарнай бяспекі.
Работнікі райаддзела МНС будуць і далей праводзіць падобныя мерапрыемствы па папярэджанні надзвычайных сітуацый. Грамадзяне, якія сталі відавочцамі несанкцы янаванага ўпалу травы і вогнішчаў, могуць звярнуцца па тэлефонах «101» і «112».
В. ПІСАР, «Новае жыццё»
Будь готов
Другие новости
