- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудак. Аб бяспецы з работнікамі прадпрыемстваў
У рамках акцыі «Адзіны дзень бяспекі» начальнік Навагрудскага раённага аддзела па НС Уладзімір Свірыд сумесна са старэйшым памочнікам пракурора раёна Яўгенам Юрго наведалі філіял «Навагрудскі вінзавод «ААТ «Дзятлаўскі лікёра-гарэлачны завод» Алгонь».
Уладзімір Сяргеевіч расказаў работнікам прадпрыемства аб мэтах акцыі, якая праводзіцца, звярнуў увагу на асноўныя прычыны ўзнікнення вогненных ПП, нагадаў патрабаванні бяспекі на вытворчасці і ў побыце, у ацяпляльны перыяд, правілы бяспекі на прысядзібных участках і прыдамавых тэрыторыях. Таксама падчас дыялогу былі разгледжаныя пытанні недапушчальнасці пакідання малалетніх без увагі дарослых, неасцярожнага абыходжання з агнём пры курэнні. Работнік МНС парэкамендаваў грамадзянам устанавіць у жылых пакоях дамоў і кватэр аўтаномныя пажарныя апавяшчальнікі, расказаў аб бяспецы Беларускай атамнай электрастанцыі.
Аб колькасці учыненых правапарушэнняў на тэрыторыі раёна і адказнасці, прадугледжанай заканадаўствам Рэспублікі Беларусь за названыя дзеі, расказаў Яўген Станіслававіч. Старэйшы памочнік пракурора акцэнтаваў увагу прысутных, што ў большасці выпадкаў правапарушэння здзяйсняюцца асобамі, якія знаходзяцца ў стане алкагольнага ап'янення. Ён заклікаў быць законапаслухмянымі грамадзянамі.
У завяршэнне мерапрыемства работнікам прадпрыемства былі раздадзеныя тэматычныя буклеты прафілактычнай накіраванасці.