- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Карэліцкі раён. З жыхарамі вёскі Некрашэвічы абмеркавалі пытанні бяспекі
У Карэліцкім раёне працягваецца прафілактычная работа, накіраваная на папярэджанне пажараў і гібелі ад іх людзей.
Пытанні бяспекі абмеркавалі жыхары вёскі Некрашэвічы на чарговым сельскім сходзе. Удзел у ім прынялі старшыня Турэцкага сельскага выканаўчага камітэта Сяргей Барычэўскі, начальнік Карэліцкага раённага аддзела па надзвычайных сітуацыях Дзяніс Стадольнік, а таксама прадстаўнікі іншых суб'ектаў прафілактыкі раёна.
Дзяніс Аляксандравіч азнаёміў прысутных з пажарнай абстаноўкай у вобласці і ў Карэліцкім раёне, праінфармаваў аб прычынах узнікнення двух пажараў, якія ў бягучым годзе зарэгістраваныя непасрэдна на тэрыторыі Турэцкага сельсавета, нагадаў жыхарам аб правілах пажарнай бяспекі дома і на працоўным месцы, расказаў пра карысць мабільнага прыкладання «МНС Беларусі. Дапамога побач». Работнік МНС таксама нагадаў усім, якія меры супрацьпажарнай бяспекі неабходна выконваць, каб зберагчы сябе, сваіх блізкіх і свой дом ад узнікнення пажару, асаблівую ўвагу прысутных звярнуў на мэтазгоднасць устаноўкі ў дамах аўтаномных пажарных апавяшчальнікаў і ўтрымання іх у спраўным стане.
Пытанні бяспекі і правілы выкарыстання газу ў побыце асвятліла прадстаўнік раённай газавай службы. Вынікі мерапрыемства падвёў старшыня Турэцкага сельвыканкама, пасля чаго прысутныя атрымалі вычарпальныя адказы на пытанні. У завяршэнні ўсім прысутным была раздадзеная тэматычная наглядна-выяўленчая прадукцыя.