- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Іўеўскі раён. Адказнасць і разважлівасць кожнага!
Кожны дзень іўеўскія выратавальнікі праводзяць прафілактычныя рэйды, мэта якіх папярэджанне пажараў у экасістэмах і своечасовае выяўленне фактаў наўмыснага выпальвання сухой расліннасці. З жыхарамі раёна праводзяць прафілактычныя гутаркі, тлумачаць патрабаванні правілаў пажарнай бяспекі, нагадваюць аб адказнасці за парушэнне заканадаўства, раздаюць тэматычныя ўлёткі.
Таксама ў ходзе сустрэч работнікі раённага аддзела па НС даюць вяскоўцам кансультацыі - як прывесці жыллё ў пажарабяспечны стан, як абслугоўваць аўтаномныя пажарныя апавяшчальнікі, куды звярнуцца, каб адрамантаваць печ. Акрамя асабістых гутарак, для давядзення інфармацыі да жыхароў раёна аб забароне палаў сухой расліннасці і наведвання лясоў выратавальнікі выкарыстоўваюць гучнагаварыцелі аператыўна-службовых аўтамабіляў.