- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Вяскоўцам аб бяспецы
«Крамы на колах» кожны дзень наведваюць самыя аддаленыя вёскі Гродзенскага раёна. Для жыхароў такіх населеных пунктаў гэта не толькі магчымасць адправіцца па пакупкі, але і сустрэцца з аднавяскоўцамі і абмеркаваць апошнія навіны. Выратавальнікі Гродзенскага раёна не выпускаюць такую магчымасць і ў чарговы раз далучаюцца да маршруце аўталаўкі для правядзення прафілактычных мерапрыемстваў.
Так, у рамках рэспубліканскай акцыі «Не прапальвай сваё жыццё!» работнікі Гродзенскага раённага аддзела МНС наведалі вёскі Горны, Віцькі, Каўпакі і Славічы. Асаблівую ўвагу жыхароў звярнулі на праблему курэння ў ложку і неасцярожнага абыходжання з агнём. Таксама выратавальнікі расказалі жыхарам аб асноўных правілах пажарнай бяспекі ў побыце, пазнаёмілі са статыстыкай вогненных трагедый у жылым фондзе. Акрамя пакупнікоў пенсійнага ўзросту да аўтакрамы спяшаліся і дзеці. Работнікі МНС не пакінулі без увагі і іх, нагадаўшы пра важнасць захавання правілаў бяспекі.
А для прыцягнення ўвагі насельніцтва да праблемы ўзнікнення пажараў з-за неасцярожнага абыходжання з агнём пры курэнні, інспектары размясцілі на аўтакраме наглядна-выяўленчую прадукцыю інфармацыйнай кампаніі – «Не чакай вавёрачку, тушы недакурак!».