- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Папярэджаны - значыць узброены
Назіральная камісія пры Верцілішкаўскім сельскім выканаўчым камітэце правяла пажарна-прафілактычную працу ў домаўладаннях грамадзян, якія маюць патрэбу ў дадатковай сацыяльнай абароне. Удзел у рэйдзе сумесна з журналістамі АНТ, прынялі работнікі Гродзенскага раённага аддзела МНС, а таксама прадстаўнікі іншых суб'ектаў прафілактыкі.
Асаблівую ўвагу члены камісіі надалі пытанням бяспечнай эксплуатацыі пячнога абсталявання, электранагравальных і ацяпляльных прыбораў, праверылі наяўнасць і спраўнасць аўтаномных пажарных апавяшчальнікаў, нагадалі правілы бяспекі ў побыце, у тым ліку ў зімовы перыяд. Работнікі МНС аказалі вяскоўцам кансультатыўную дапамогу, нагадалі тэлефоны экстранных службаў рэагавання і алгарытм дзеяння пры пажары, уручылі наглядна-выяўленчую прадукцыю, якая змяшчае ўсе неабходныя рэкамендацыі, захаванне якіх мінімізуе рызыку ўзнікнення вогненнай трагедыі.