- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ліда. Квэст-гульня без тых, хто прайграў
У рамках акцыі Адзінага дня бяспекі лідскія выратавальнікі на базе Цэнтра бяспекі правялі тэматычную квэст-гульню з навучэнцамі чацвёртых класаў сярэдняй школы №11 райцэнтра.
Каб апынуцца на фінішы, камандам трэба было пераадолець пяць этапаў. Першае выпрабаванне «Дзе логіка?», дзе трэба было праявіць кемлівасць, другое - пажарная эстафета, дзе ўдзельнікі дэманстравалі шпаркасць і спрыт, трэцяе - пляцоўка «Дымавы пакой», дзе капітанам каманды па плане эвакуацыі неабходна было знайсці бочачку з заданнем на чацвёрты этап. Далей была пляцоўка «Пажарная крыжаванка», дзе рабяты ўспаміналі назвы прадметаў, якія можна ўбачыць у падраздяленнях МНС і іншае. На заключным этапе у гульне «Кракадзіл» хлапчукі і дзяўчынкі пры дапамозе жэстаў паказвалі зашыфраваныя словы. Па завяршэнні квэст-гульні былі падведзены вынікі. Усе каманды справіліся з выпрабаваннямі на «ўра», а гэта значыць, што кожны з іх стаў пераможцам нашага мерапрыемства і атрымаў карысныя сувеніры ад МНС.