- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Карэлічы. Па бяспечным маршруце з аўтакрамай
У рамках рэспубліканскай акцыі «Дзень бяспекі. Увагу ўсім» карэліцкія выратавальнікі правялі прафілактычны рэйд па маршруце руху аўталаўкі ў населеных пунктах Жухавіцкага і Мірскага сельсаветаў.
Работнікі раённага аддзела МНС расказалі вяскоўцам аб мэтах акцыі, якая праходзіць, аб парадку дзеянняў пры атрыманні сігналу «Увага ўсім!», нагадалі правілы эксплуатацыі пячнога ацяплення, электраабсталявання, расказалі аб наступствах пакідання без нагляду непаўналетніх дзяцей, аб неасцярожнасці пры курэнні ў нецвярозым стане ў домаўладанні. Таксама тым, хто яшчэ не ўсталяваў у сваім жыллі аўтаномныя пажарныя апавяшчальнікі, параілі зрабіць гэта ў бліжэйшы час, каб патурбавацца аб уласнай бяспецы і бяспецы сваіх блізкіх. А каб правілы бяспекі можна было асвяжыць у памяці на вольным часе, выратавальнікі ўручалі вяскоўцам тэматычныя буклеты.