- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Іўе. Рэйды па недапушчэнні вясновых палаў
Работнікі Іўеўскага раённага аддзела МНС праводзяць прафілактычную працу з насельніцтвам па недапушчэнні пажараў і загаранняў у прыродных экасістэмах.
Рэйдавыя мерапрыемствы прайшлі на тэрыторыі Суботніцкага сельскага Савета. Выратавальнікі нагадалі жыхарам вёсак аб недапушчэнні выпальвання сухой расліннасці, прывялі прыклады пажараў, якія адбыліся на тэрыторыі вобласці і раёна ў бягучым годзе, нагадалі аб мерах адказнасці за гэтыя дзеянні. Работнікі МНС таксама расказалі аб правілах развядзення вогнішчаў на прысядзібных участках і мерах бяспекі пры падрыхтоўцы ежы на агні, раздалі памяткі па правілах бяспекі і адказалі на пытанні, якія цікавяць грамадзян. Тым, хто знаходзіўся ў дамах падчас рэйду, выратавальнікі нагадалі правілы бяспекі з дапамогай сігнальнага гучнагаварыцеля.