МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыск. Сямейная хвілінка бяспекі
У рамках акцыі «Не пакідайце дзяцей адных!", прымеркаванай да Міжнароднага Дня сям'і, выратавальнікі Ваўкавышчыны сумесна з педагогамі ясляў-сада №2 г. Ваўкавыска арганізавалі забаўляльнае мерапрыемства «Сямейная хвілінка бяспекі».
Удзел у мерапрыемстве прынялі мамы з дзецьмі. Кожная сям'я адказала на пытанні бліц-апытання «Тэматычныя загадкі пра выратавальнікаў», паказала спрыт - у эстафетах «Экстраны выклік» і «Паласа перашкоды», меламаны праявілі сябе ў музычных размінках і музычна-дыдактычнай гульні «Падпалены вугольчык». Падчас мерапрыемства ўдзельнікі больш падрабязна пазнаёміліся з прафесіяй выратавальніка-пажарнага, паўтарылі нумары тэлефонаў службаў экстранага рэагавання, парадак іх выкліку і дзеянняў у выпадку ўзнікнення пажару дома і ў грамадскіх месцах.
Старшы інспектар райаддзела МНС Аксана Статкевіч падзякавала мам дашкалят за ўдзел у мерапрыемстве, акцэнтавала іх увагу на недапушчальнасць пакідання дзяцей без нагляду дарослых, засяродзіла ўвагу на важнасці навучання дзяцей асноўным правілам бяспекі жыццядзейнасці. Прадстаўнік МНС расказала пра пажары і іх наступства, якія адбыліся па прычыне дзіцячага свавольства з агнём, нагадала аб карысці ўстаноўкі аўтаномнага пажарнага апавяшчальніка ў жыллі. За актыўны ўдзел у конкурсах і віктарынах дзяцей і іх мам чакалі сюрпрызы - тэматычныя кніжкі, буклеты, размалёўкі і салодкі пачастунак.
Будь готов
Другие новости
