- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Акцыя «Летні патруль» нагадвае мастаўчанам пра бяспеку на вадзе
Лета радуе нас гарачым надвор'ем і яркім сонцам. І многія ратуюцца ад гарачыні на берагах рэк, азёр. Каб летнія шчаслівыя дзянькі не былі азмрочаныя нячаснымі выпадкамі на вадзе, пажарамі на беразе і траўмамі, арганізатары акцыі «Летні патруль» нагадваюць правілы бяспекі.
Рэйдавая група, у склад якой увайшлі інспектары сектара прапаганды і ўзаемадзеяння з грамадскасцю Мастоўскага райаддзела МНС Міхаіл Мекека і Святлана Жудро, старшыня раённай арганізацыі АСВОД Мікалай Малчанаў, прадстаўнікі райкама БРСМ Вольга Юрэвіч і Таццяна Смірнова, участковы інспектар па справах непаўналетніх РАУС Аляксандр Рогаў і карэспандэнт газеты наведалі пляжы, месцы адпачынку ля выратавальнай станцыі і падвеснага моста, нагадваючы мастаўчанам, чаму нельга пакідаць без нагляду дзяцей, як асколак шкла можа паслужыць каталізатарам пажару, а кінуты недакурак – крыніцай узгарання. Удзельнікі рэйдавай групы раздалі адпачывальнікам памяткі, у якіх тэзісна записаны правілы бяспечных паводзін на вадзе, у лесе, алгарытм дзеянняў пры пажары. Таксама абнавілі інфармацыю на стэндах, дзе з ёй змогуць азнаёміцца ўсе жадаючыя.
Участковы інспектар інспекцыі па справах непаўналетніх праводзіў прафілактычныя гутаркі - бацькам ён нагадваў, што дзеці павінны заходзіць у ваду толькі сумесна з дарослымі, бо часам досыць 1 секунды – і здарыцца непапраўнае.
Мастаўчане дзякавалі за аказаную ўвагу і карысныя напамінкі.
Давайце разам выконваць правілы бяспекі, каб гэтае лета было самым прыемным і запамінальным.
Па матэрыялах газеты «Зара над Нёманам»