- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Рэйды па месцах уборкі
Аграрыі ловяць кожную хвіліну, каб сабраць ураджай ў тэрмін, работнікі МНС - на чэку. Выратавальнікі штодня кантралююць, як выконваюцца правілы пажарнай бяспекі ў гаспадарках раёна.
Выратавальнікі ўдакладнілі, як забяспечваецца пажарная бяспека падчас уборкі ўраджаю на тэрыторыі СВК «Прагрэс-Верцялішкі», УА СВК «Путрышкі», СВК «Азёры Гродзенскага раёна» і СВК «Памежны». Работнікі райаддзела МНС наведалі месцы уборкі ўраджаю, механічныя двары, зернесушыльныя комплексы і месцы захоўвання збожжа. Асаблівая ўвага накіравана на ўкамплектаванасць першаснымі сродкамі пажаратушэння збожжаўборачных камбайнаў і зернесушыльных комплексаў. Спецыялісты праверылі навучаны ці работнікі гаспадаркі па пажарна-тэхнічным мінімуму, ці ведаюць парадак дзеянняў на выпадак узнікнення надзвычайнага здарэння, дадаткова праводзяць прафілактычныя гутаркі. Аб'язджаючы тэрыторыю, звяртаюць увагу на пасевы і сцірты, якія павінны быць абараны. Сур'ёзных парушэнняў выяўлена не было, а дробныя недахопы ўхіляюцца на месцы падчас абследавання.