- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Масты. Аб бяспецы ў Пацэвічах
Работнікі Мастоўскага раённага аддзела МНС у рамках рэспубліканскай акцыі "Канікулы - без дыму і агню!" наведалі ваенна-патрыятычную змену ў летнім аздараўленчым лагеры ў вёсцы Пацэвічы.
Сустрэчу правялі ў фармаце гульні-конкурсу "Дэтэктыўнае агенцтва МНС". Хлопцы праводзілі расследаванне, высвятляючы, што магло прывесці да пажару: вывучалі адзіны доказ – здымак, зроблены за некалькі гадзін да здарэння, аналізавалі ўмовы і акалічнасці, якія маглі спадарожнічаць здарэнню, вызначалі навобмацак змесціва «чорных» скрынь, вырашаючы, якое з рэчываў магло выкарыстоўвацца ў тушэнні пажару.
Устанавіўшы прычыну і абставіны здарэння, юныя эксперты паспаборнічалі ў сіле і спрыце, пераадольваючы этапы пажарнай эстафеты. Падзяліўшыся на дзве каманды, удзельнікі навыперадкі напаўнялі вадой імправізаваную цыстэрну, апраналі баявое адзенне пажарных і ліквідавалі ўмоўнае ўзгаранне. Прыемным сюрпрызам для юнакоў стаў «дождж» ад выратавальнікаў. Усе ўдзельнікі конкурснай праграмы атрымалі брашуры і буклеты з правіламі пажарнай бяспекі. Маладыя людзі падзякавалі прадстаўнікоў МНС за цікавую гульню і паабяцалі выконваць правілы бяспекі.