- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудак. У мэтах бяспекі ўраджаю
З мэтай кантролю за бяспекай у ходзе ўборачнай кампаніі рэйдавая група ў складзе інспектара сектара нагляду і прафілактыкі Навагрудскага райаддзела МНС, прадстаўніка сельскай гаспадаркі, раённай энергагазінспекцыі і намесніка пракурора раёна наведалі малочна-таварныя фермы "Загорье". "Вераб'евічы", "Аўдзеевічы", "Шчорсы", а таксама фермы буйной рагатай жывёлы "Гнесічы", "Паўбераг", "Казённыя Лычыцы" і зернесушыльныя комплексы гаспадарак ААТ "Шчорсы" і ААТ "Прынёманскі".
Пры наведванні аб'ектаў удзельнікі рэйду звярнулі ўвагу на стан месцаў захоўвання грубых кармоў, правялі кантроль тэмпературнага рэжыму і вільготнасці збожжа. Асаблівую ўвагу ўдзялілі пытанню хуткай і бяспечнай эвакуацыі жывёл у выпадку вогненнага надзвычайнага здарэння. Прадстаўнік энергагазінспекцыі праверыў тэхнічны стан электраўстановак і арганізацыю іх эксплуатацыі на жывёлагадоўчых комплексах.
З работнікамі, задзейнічанымі ва ўборцы, правялі прафілактычныя гутаркі, нагадалі правілы дзеянняў у выпадку ўзнікнення надзвычайнай сітуацыі, праверылі ўкамплектаванасць уборачнай тэхнікі, будынкаў і збудаванняў, прызначаных для сушкі і захоўвання збожжавых, першаснымі сродкамі пажаратушэння.