МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Астравец. "Летні патруль" нагадвае!
Лета працягвае цешыць нас гарачымі днямі, і шмат хто адпраўляецца на адпачынак бліжэй да вады ў пошуках прахалоды. Аднак трэба памятаць, што вада, як і любая іншая стыхія, не даруе памылак. З мэтай папярэджання гібелі людзей на вадзе, у рамках акцыі "Летні патруль", астравецкія выратавальнікі сумесна з работнікамі раённага аддзела ўнутраных спраў правялі рэйды на Яноўскім і Альхоўскім вадасховішчах.
Рэйдавая група пагутарыла з дарослымі і юнымі жыхарамі раёна аб правілах паводзін на вадаёмах. Удзельнікі групы растлумачылі, што адпачываць можна толькі на спецыяльна абсталяваных пляжах, нагадалі аб адміністрацыйнай адказнасці за купанне ў забароненых месцах. Выратавальнікі звярнулі ўвагу грамадзян, што камфортнай і бяспечнай для купання лічыцца вада, тэмпература якой дасягае 18 - 20 градусаў. Прадстаўнікі МНС адзначылі, што тым, хто не ўмее плаваць, катэгарычна забаронена заходзіць у ваду вышэй за пояс, а таксама заклікалі не плаваць у нецвярозым стане і ні ў якім разе не адпускаць дзяцей адных да вады. Работнікі МНС уручылі адпачывальнікам памяткі і буклеты з рэкамендацыямі па бяспецы.
Будь готов
Другие новости
