- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Масты. Пра бяспеку з дашкалятамі
У рамках акцыі "У цэнтры ўвагі-дзеці!" работнікі Мастоўскага раённага аддзела па надзвычайных сітуацыях наведалі дзіцячы садок «Усмешка» ў аграгарадку Лунна.
Выратавальнікі расказалі дзецям, з якімі надзвычайнымі сітуацыямі можна сутыкнуцца дома і на вуліцы, нагадалі, як неабходна дзейнічаць пры ўзнікненні надзвычайных здарэнняў, а з дапамогай мультфільма "Чароўная кніга" гэта атрымалася наглядна і цікава. У гульнявой форме дзятва паўтарала нумары тэлефонаў экстраных службаў, а таксама вучылася правільна паведамляць дыспетчару аб здарэнні, каб да месца як мага хутчэй прыбылі выратавальнікі. Маляняты з задавальненнем згулялі ў «Хлоп! Топ!» і замацавалі атрыманыя веды. У канцы мерапрыемства хлапчукі і дзяўчынкі атрымалі размалёўкі, якія абавязкова будуць нагадваць ім правілы бяспекі.