- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Акцыя "Не прапальвай сваё жыццё!" у Астравецкім раёне
Работнікі Астравецкага райаддзела МНС у рамках акцыі "Не прапальвай сваё жыццё!" сустракаюцца з работнікамі прадпрыемстваў і сельскагаспадарчых арганізацый раёна і нагадваюць аб важнасці захавання бяспечных паводзін, акцэнтуючы ўвагу на пажарах і гібелі людзей ад іх з прычыны неасцярожнага абыходжання з агнём пры курэнні.
На гэтым тыдні намеснік начальніка Андрэй Карповіч сустрэўся з працоўным калектывам электрычных сетак раённага унітарнага прадпрыемства "Гроднаэнерга". Выратавальнік адзначыў, што часта вінаватым ва ўзнікненні пажару з'яўляецца сам чалавек.
- Мы разлічваем, што бяда можа адбыцца ў каго заўгодна, толькі не ў нас. Аднак яна не выбірае да каго прыйсці, таму неабходна быць заўсёды напагатове. Для гэтага трэба памятаць аб асцярожным абыходжанні з адкрытым агнём: старанна тушыць свечкі, запалкі і цыгарэты, не лішнім будзе адмовіцца ад курэння ў доме, выкарыстоўваць толькі спраўныя электрапрыборы і, адыходзячы з дому, адключаць іх, - падкрэсліў Андрэй Васільевіч.
Працягнулі свае выступленні прадстаўнікі службы "101" у працоўных калектывах сельскагаспадарчых арганізацый аграгарадкоў Міхалішкі і Рытань. У ходзе гутарак выратавальнікі заклікалі работнікаў арганізацый абсталяваць свае домаўладання аўтаномнымі пажарнымі апавяшчальнікамі, а таксама нагадалі, аб неабходнасці іх утрымання ў спраўным і працаздольным стане.
У завяршэнні сустрэчы, каб наглядна паказаць, да чаго можа прывесці не захаванне мер бяспекі пры курэнні, прадэманстравалі відэафільм "Ахвяры згубнай звычкі". А каб карысныя рэкамендацыі заўсёды былі пад рукой, прадстаўнікі МНС ўручылі грамадзянам памяткі з карыснымі парадамі.