- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Дзень адчыненых дзвярэй. Гродзенскі раён
Выбар будучай прафесіі - адна з самых адказных задач, якая стаіць перад кожным школьнікам. Каб пабольш даведацца аб рабоце выратавальнікаў, у госці да работнікаў пажарнага аварыйна-выратавальнага паста № 14 у гарадскім пасёлку Сапоцкін прыйшлі хлопцы і дзяўчаты з мясцовай школы.
У мерапрыемстве прыняў удзел начальнік Гродзенскага раённага аддзела МНС Аляксандр Сафіулін. Аляксандр Анатольевіч расказаў юным наведвальнікам аб спецыяльнай тэхніцы і аб абсталяванні, якое выкарыстоўваецца ў барацьбе з надзвычайнымі сітуацыямі. Дзеці з задавальненнем пасядзелі ў пажарных аўтамабілях, прымерылі баявое адзенне, на час адчуўшы сябе сапраўднымі пажарнікамі. Пад час экскурсіі школьнікам таксама нагадалі правілы паводзін у розных надзвычайных сітуацыях. Моладзь даведалася не толькі як уладкованы побыт і жыццё выратавальнікаў, але і атрымалі падрабязную інфармацыю аб тым, як стаць пажарнікам і пазнаёміліся з профільнай ВНУ МНС у Мінску.
- Падобныя прафарыентацыйныя мерапрыемствы папулярызуюць нашу прафесію, дапамагаюць сфарміраваць культуру бяспекі і, спадзяюся, многім хлопчыкам і дзяўчынкам дапамогуць вызначыцца з далейшым выбарам, - падкрэсліў Аляксандр Анатольевіч.