- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ашмяны. З бяспекай у новы год
Пра тое, як правільна ўстанавіць ёлку, бяспечна яе ўпрыгожыць і падключыць гірлянду - усё гэта расказалі ашмянскія выратавальнікі жыхарам райцэнтра ў рамках завяршальнага мерапрыемства рэспубліканскай акцыі "Бяспечны Новы год!".
На пляцоўцы каля раённага выканкама побач з галоўнай ёлкай горада працаўнікі раённага аддзела МНС прапанавалі мясцовым жыхарам разабрацца ў пытаннях бяспекі. Пажарны Дзед Мароз і роставая лялька з мультфільма "Чароўная кніга" нагадалі дарослым і дзецям правілы бяспечных паводзінаў падчас навагодніх свят, парэкамендавалі з асцярожнасцю выкарыстоўваць піратэхнічныя вырабы і заклікалі ўважліва ставіцца да бяспекі сваёй і тых, хто жыве побач.
Адказваючы на пытанні тэста па пажарнай бяспецы, удзельнікі праграмы замацавалі атрыманыя веды, а за правільныя адказы атрымалі падарункі і салодкія прызы ад Дзеда Мароза-выратавальніка.