МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ліда. Цэнтр бяспекі прымае гасцей
Вучні з сярэдняй школы №12 г.Ліды наведалі цэнтр бяспекі і паўтарылі жыццёва важныя правілы.
На інтэрактыўных пляцоўках цэнтра школьнікі разабралі, якія небяспекі іх могуць чакаць на вуліцы і дома, папрактыкаваліся ліквідаваць узгаранні электрычных прыбораў і ежы на пліце, даведаліся да чаго можа прывесці няправільная эксплуатацыя пячнога ацяплення і грэбаванне мерамі бяспекі.
Адказваючы на пытанні тэсціравання, хлопцы і дзяўчаты праверылі свой узровень ведаў у галіне бяспекі, а, разабраўшы з работнікамі цэнтра асноўныя памылкі, уразумелі, як дзейнічаць, калі пазбегнуць надзвычайнай сітуацыі не ўдалося.
Запамінальным для школьнікаў стала пераадоленне дымавога лабірынта. Тут дзеці адпрацавалі парадак дзеяння пры задымленні. Захапленне выклікала і лясная пляцоўка, патрапіўшы ў якую акунаешся ў дзікую прыроду і адпрацоўваеш бяспечныя паводзіны ў лесе.
Заняткі былі пазнавальнымі і вельмі цікавымі, хлопчыкі і дзяўчаткі абяцалі яшчэ не раз наведаць цэнтр бяспекі!
Будь готов
Другие новости
