- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыскі раён. «Бяспека - у кожны дом!»
У рамках рэспубліканскай акцыі "Бяспека - у кожны дом!" работнікі Ваўкавыскага раённага аддзела МНС правялі прафілактычнае мерапрыемства ў пункце прыёму другаснай сыравіны ў райцэнтры.
Тым, хто сабраўся ля пункта, выратавальнікі нагадалі правілы бяспекі, расказалі аб тым, што нярэдка прычынай пажараў і гібелі людзей становіцца неасцярожнае абыходжанне з агнём, а часцей за ўсё пры курэнні ў стане алкагольнага ап'янення.
Работнікі МНС прапанавалі паглядзець фотаальбом, дзе сабраны наступствы трагічнага грэбавання ўласнай бяспекай, а затым абмеркавалі, як не дапусціць такіх сітуацый у жыцці.
Выратавальнікі расказалі аб прынцыпе дзеяння аўтаномнага пажарнага апавяшчальніка і прывялі прыклады, калі АПА выратаваў жыцці. У завяршэнне прадстаўнікі службы "101" уручылі наведвальнікам пункта буклеты і брашуры з правіламі бяспекі.
МНС нагадвае: будзьце асцярожныя ў абыходжанні з агнём, не паліце ў хаце, не кідайце непатушаныя запалкі і недакуркі на падлогу ці ў акно! У выпадку пажару выклікайце ратавальнікаў па нумарах 101 ці 112!