- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Аб прафесіі выратавальніка
Дзень адчыненых дзвярэй для дзяцей з Путрышкаўскай сярэдняй школы прайшоў на базе пажарнага аварыйна-выратавальнага атрада на аб'ектах ААТ «ГроднаАзот».
Школьнікі пабывалі ў гасцях увы ратавальнікаў і бліжэй пазнаёміліся з прафесіяй смелых і адважных людзей. Работнікі МНС расказалі юным наведвальнікам аб тэхніцы аб абсталяванні, якое выкарыстоўваюць у барацьбе з надзвычайнымі сітуацыямі. Дзеці з задавальненнем пасядзелі ў пажарных аўтамабілях, прымералі баявое адзенне, на час адчуўшы сябе сапраўднымі пажарнікамі. Акрамя таго, школьнікі даведаліся не толькі як уладкованы побыт і жыццё выратавальнікаў, але і атрымалі вычарпальную інфармацыю аб тым, як імі стаць і даведаліся аб профільнай вну МНС.
На заканчэнне сустрэчы школьнікам нагадалі аб важнасці захавання правілаў бяспекі, расказалі аб тым, як дзейнічаць у розных надзвычайных сітуацыях, нагадалі парадак выкліку службы выратавання.
Прадстаўнікі службы "101" упэўнены, што такія сустрэчы папулярызуюць прафесію выратавальніка-пажарнага, дапамагаюць не толькі сфарміраваць культуру бяспекі, але вызначыцца з далейшым выбарам спецыяльнасці.