- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ашмяны. Вяскоўцам аб бяспецы
У рамках рэспубліканскай акцыі «З клопатам аб бяспецы малой радзімы» прадстаўнікі Ашмянскага раённага аддзела па надзвычайных сітуацыях сумесна са старшынёй Навасёлкаўскага сельскага савета пагутарылі са сталымі жыхарамі вёскі Альковічы.
На навучальных пляцоўках выратавальнікі нагадалі вяскоўцам аб важнасці захавання правілаў бяспекі. Асаблівая ўвага – падрыхтоўцы да ацяпляльнага сезона: у гутарцы з прадстаўнікамі МНС мясцовыя жыхары абмеркавалі правілы эксплуатацыі пячнога ацяплення і электраабсталявання, неабходнасць устаноўкі аўтаномных пажарных апавяшчальнікаў і парадак іх абслугоўвання, паўтарылі прынцып работы вогнетушыцеля. Аматарам «ціхага палявання» выратавальнікі нагадалі, як не заблудзіцца ў лесе. Жывую цікавасць у прысутных выклікала гульня «Бяспечныя шашкі».
Праводзячы такія сустрэчы, работнікі МНС звяртаюць увагу прадстаўнікоў "залатога ўзросту" на неабходнасць быць больш уважлівымі да ўмоў пражывання, выключаючы негатыўныя фактары, якія могуць прывесці да пажару ці іншай надзвычайнай сітуацыі.