- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ашмяны. «Незямныя прыгоды» для юных гледачоў
Гродзенскі абласны тэатр лялек са спектаклем "Незямныя прыгоды" наведаў Ашмянскі раён. Тэматычны спектакль прысвечаны правілам бяспечных паводзін у час надзвычайных сітуацый.
«Незямныя прыгоды» – гэта сумесны праект Гродзенскага абласнога тэатра лялек і абласнога ўпраўлення МНС. У аснове сюжэту – фантастычная гісторыя пра дзіўныя прыгоды хлопчыка-іншапланецяніна і яго сяброў. Яркія і незвычайныя дэкарацыі, цікавыя героі, сучасная музыка, цудоўная ігра акцёраў – юныя гледачы затаіўшы дыханне пільнавалі за падзеямі і паўтаралі правілы бяспечных паводзін.
Перад пачаткам прадстаўлення выратавальнікі Ашмянскага раённага аддзела МНС арганізавалі для школьнікаў работу тэматычных пляцовак, дзе хлапчукі і дзяўчынкі ў гульнявой форме паўтарылі, як неабходна дзейнічаць у выпадку ўзнікнення пажару, паўтарылі нумары выклікаў экстраных службаў. Самыя актыўныя хлопцы атрымалі ад ратавальнікаў памятныя прызы, буклеты і размалёўкі.