МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыск. Адзіны дзень інфармавання
У рамках Адзінага дня інфармавання кіраўніцтва Ваўкавыскага раённага аддзела МНС у складзе інфармацыйных груп райвыканкама пагутарылі з работнікамі вытворчага ўпраўлення «Ваўкавыскгаз», ААТ «Краснасельскбудматэрыялы», педагогамі гімназіі №1 райцэнтра, калектывам раённай бібліятэкі і ААТ «Ваўкавыскі мясакамбінат».
Падчас сустрэч прадстаўнікі службы «101» расказалі аб мэтах і задачах рэспубліканскай прафілактычнай акцыі «Бяспека ў кожны дом! », праінфармавалі прысутных аб сітуацыі з пажарамі ў рэспубліцы, вобласці і раёне. Прывялі прыклады найбольш рэзанансных надзвычайных здарэнняў. Акрамя таго, прадстаўнікі выратавальная службы нагадалі ваўкавычанам правілы бяспекі пры курэнні. Зрабілі акцэнт на тым, што своечасова выявіць узгаранне і папярэдзіць сур'ёзныя наступствы дапаможа аўтаномны пажарны апавяшчальнік.
Напярэдадні вясны пагаварылі і аб бяспецы пры навядзенні парадку на прысядзібных участках.
– За выпальванне сухой расліннасці, травы на пні, а таксама іржышча і пажніўных астаткаў на палях або непрыняцце мер па ліквідацыі выпальванняў прадугледжана накладанне штрафу ад 10 да 30 базавых велічынь, –акцэнтавалі ўвагу выратавальнікі.
У завяршэнне бяседы прадстаўнікі суб'ектаў прафілактыкі адказалі на пытанні работнікаў прадпрыемстваў.
Будь готов
Другие новости
