- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Пажар у Карэліцкай раённай бальніцы. Выратавальнікі правялі тактыка-спецыяльныя вучэнні
Выратавальнікі Карэліцкага раённага аддзела па надзвычайных сітуацыях правялі тактыка-спецыяльнае вучэнне ў цэнтральнай раённай бальніцы, падчас якога адпрацавалі дзеянні ў выпадку пажару.
Умоўнае загаранне адбылося ў працэдурным кабінеце на другім паверсе. Стварылася пагроза жыццю і здароўю пацыентаў.
Да прыбыцця выратавальнікаў члены добраахвотнай пажарнай дружыны арганізавалі эвакуацыю людзей у бяспечную зону, а таксама пошук ачага.
– Праца выратавальнікаў патрабуе пастаяннага ўдасканалення навыкаў і ўменняў па ліквідацыі надзвычайнай сітуацыі. Таму ад кожнага падраздзялення службы 101 патрабуюцца дакладныя веды аператыўна-тактычнай характарыстыкі аб'екта, прыняцця тэрміновых і правільных рашэнняў у экстраных сітуацыях, – адзначыў начальнік раённага аддзела МНС.