МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыск. Вызначаны пераможцы конкурсу «Выратавальнікі вачыма дзяцей»
На базе Ваўкавыскага цэнтра творчасці дзяцей і моладзі прайшоў раённы этап агляду-конкурсу «Выратавальнікі вачыма дзяцей». Конкурс праводзіўся з мэтай фарміравання ў падрастаючага пакалення навыкаў умелых дзеянняў у выпадку ўзнікнення надзвычайных сітуацый, прыцягнення ўвагі да праблем прафілактыкі надзвычайных сітуацый сярод дзяцей і моладзі, прапаганды бяспечнага ладу жыцця, папулярызацыі маладзёжнага руху юных выратавальнікаў-пажарных, а таксама арганизацыі культурнага вольнага часу дзяцей і моладзі.
Кампетэнтнае журы, у склад якога ўвайшлі прадстаўнікі Ваўкавыскага раённага аддзела МНС, упраўлення адукацыі райвыканкама падвялі вынікі раённага этапу конкурсу.
Сёлета лепшых трэба было вызначыць у васьмі намінацыях: «Апавяданне», «Казка», «Верш», «Малюнак», «Плакат», «Выраб», «Скульптура малых форм» і «Мадэль пажарнай аварыйна-выратавальнай тэхнікі». Журы аб'ектыўна ацэньвала работы ва ўсіх намінацыях з улікам узросту ўдзельнікаў, незвычайнасці падыходу да выканання работы, складанасці выбранай тэмы, матэрыялу і якасці выканання.
Усе работы, прадстаўленыя на конкурс, унікальныя па-свойму, бо ў кожнага юнага творцы сваё бачанне дзейнасці службы 101. У кожны шэдэўр ўкладзена «душа» не толькі дзяцей, але і бацькоў, педагогаў, якія вучаць маладое пакаленне правілам бяспекі жыццядзейнасці.
Пераможцы раённага этапа прымуць удзел у абласной выставе творчых работ!
Будь готов
Другие новости
