- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
У Слоніме гарэў жылы дом: выратавальнікі ліквідавалі пажар
20 лютага ў 14-31 слонімскія выратавальнікі выехалі на вуліцу Лугавую ў райцэнтры, дзе на прыватным падворку гарэў дом.
Калі работнікі МНС прыбылі да месца выкліку, унутры драўлянага будынку было шчыльнае задымленне.
Высветлілася, што пабудова належыць 84-гадоваму пенсіянеру. Мужчына расказаў, што пакінуў у доме ўключаны электраабагравальнік, а сам выйшаў на вуліцу. Праз нейкі час суседзі ўбачылі дым і паведамілі пра здарэнне ў МНС.
Выратавальнікі ліквідавалі пажар. Агнём пашкоджаны дах, перакрыцце, маёмасць, закураны сцены і столь.
Верагодней за ўсё, прычынай вогненнага надзвычайнага здарэння стала парушэнне правілаў эксплуатацыі электрасетак і электраабсталявання – пакінуты без нагляду ўключаны абагравальнік.
Каб пазбегнуць падобных здарэнняў, не пакідайце ўключаныя электрапрыборы і зарадныя прылады без нагляду, не перагружайце электрасетку, пстрога выконвайце інструкцыю.